2022 оны 3-р сарын 2 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2022 оны 3-р сарын 2 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2022-03-21                                                                                                                          Есөнбулаг сум

10 хоногийн тойм бичвэр: Говь-Алтай аймгийн нутгаар 2022 оны 3-р сарын хоёрдугаар арав хоногийн байдлаар агаарын дундаж температур Алтайн өвөр говь болон нутгийн өмнөд хэсгээр 0.6-3.8 градус дулаан, нутгийн хойт хэсэг болон Хүйс, Шарга, Халиуны хоолойгоор -1.3-5.4 градус хүйтэн байлаа. Агаарын хамгийн их температур Баянтооройд 14, Бигэрт 13, Дарив, Шаргад 12, Алтай, Дэлгэрт 10, Чандмань, Халиунд 9 градус дулаан, бусад сумуудад 3-8 градус дулаан байлаа.

Агаарын хамгийн бага температур Гуулинд -18, Баян-Уул, Тонхил, Есөнбулагт -16, Дэлгэр, Жаргалан, Тайшир, Халиун, Цогтод -15, Дарив, Цээлд -14, Чандманьд -13 градус хүйтэн байлаа.

Хөрсний гадаргын дундаж температур Хүйс, Шарга, Бигэрийн говь хоолой, Алтайн өвөр говиор 2-6 градус дулаан, бусад нутгаар 0-5 градус хүйтэн байлаа. Хөрсний гадаргын хамгийн их температур Дарив, Тооройд 34, Алтайд 30, Бугатад 27, Бигэрт 25, Тонхилд 24, Баян-Уул, Цээлд 23, Хөхморьтод -22, Есөнбулаг, Гуулинд -21, Шарга, Эрдэнэд -20, бусад нутгаар -15-17 градус хүйтэн байлаа. Хөрсний гадаргын хамгийн бага температур Гуулинд -24, Есөнбулаг, Баян-Уул, Дарив, Тайшир, Цогтод -18, Тонхилд -17, Чандманьд -16, бусад нутгаар -8-15 градус хүйтэн байлаа.

Хур тунадасны хувьд энэ арав хоногт ихэнх нутгийг хамарсан ба Гуулинд 5.4 мм, Цээл, Дэлгэрт 1.1 мм, Баян-Уулд 1.0 мм, Есөнбулагт 0.8 мм, Төгрөг, Эрдэнэд 0.7 мм, Чандманьд 0.6 мм, Жаргаланд 0.2 мм, Алтай, Бугат, Тонхил, Хөхморьт, Тайшир, Цогтод 0.0 мм хур тунадас орсон байна. Бусад сумуудад хур тунадас ороогүй байна.  

Салхины хамгийн их хурд Бугатад 29 м/с, Есөнбулагт 25 м/с, Тонхилд 24 м/с, Тооройд 22 м/с, Бигэр, Дарив, Халиун, Цогт, Чандмань, Шарга сумуудад 20 м/с, бусад сумуудад 12-18 м/с хүрч шороон шуурга шуурсан байна. Нийт нутгаар 10 м/с-ээс дээш салхитай өдрийн тоо 1-10 өдөр байлаа.

Малын усан хангамж: Малын усан хангамж дунд зэрэг.

Малын тарга хүч: Малын тарга хүч дунд зэрэг байна.  

Цасны мэдээ: 2022 оны 3-р сарын 20-ны байдлаар нийт нутгаар цасан бүрхүүл тогтоогүй байна.

Хянасан: Цаг уурын хэлтсийн дарга                              / Т.Дэлгэрмаа /

        Тойм бичсэн: ХААЦУ хариуцсан ерөнхий технологич ᠮᠡᠰᠢᠭᠳᠣᠷᠵᠢ ᠶᠢᠨ ᠭᠦᠨᠪᠢᠯᠢᠭ  / М.Гүнбилэг /